Se hele NTKs medlemsregister her.
Nina Bang Larsen
Nina Bang Larsen (f. 1981, Kinsarvik i Hardanger) bur og arbeider i Bergen. Ho er utdanna med MA frå Kunsthøgskolen i Bergen i 2010. Hovudmaterialet er tekstil, og ho arbeider hovudsakleg med skulptur/installasjon med integrert video. Bang Larsen har hatt ei rekke separatutstillingar, blant anna ved Sandefjord Kunstforening, RAM galleri, Tekstilindustrimuseet, Kraft, Soft Galleri og Oppland Kunstsenter. I 2022 fekk ho 10 års arbeidsstipend frå Norsk Kulturråd.
Nina Bang Larsen arbeider hovudsakleg med stadspesifikke installasjonar sett saman av tekstilskulptur, måleri, video og foto. I atelieret arbeider Bang Larsen i eit kaos av oppsamla materiale, tankar og idear. Ho let seg styra av slump og innfall, og det oppstår surrealistiske historier ho ikkje kjenner særleg kontroll over. Til montering av utstilling tek ho med seg eit utval av ferdig og uferdig frå atelieret, og held prosjektet ope slik at ho også er fri til å inkludere det som dukkar opp under vegs. Målet er å få til ein forførande komposisjon i utstillingsrommet som lokkar tilskodarar inn i den fargerike og absurde verda hennar.
